[ឈ្មោះ] ហេង សំរិន
[ងារ] សម្ដេចអគ្គមហាពញាចក្រី
[កំណើត] ២៥ ឧសភា ១៩៣៤
[ទីកំណើត] ខេត្តព្រៃវែង
[ភរិយា]
[ឋានៈ] ប្រមុខរដ្ឋ (ប្រធានក្រុមប្រឹក្សារដ្ឋ)
[ពីឆ្នាំ] ២៧ មិថុនា ១៩៨១ ដល់ ០៦ មេសា ១៩៩២
[បន្តពី] ខៀវ សំផន
[បន្តដោយ] នរោត្ដម សីហនុ (ប្រធានក្រុមប្រឹក្សាជាតិជាន់ខ្ពស់)
[ឋានៈ] ប្រធានរដ្ឋសភា
[ពីឆ្នាំ] ២០០៦ ដល់ បច្ចុប្បន្ន
[បន្តពី] នរោត្ដម រណឫទ្ធិ
[បន្តដោយ] កំពុងកាន់តំណែង
| ប្រវត្តិ |
លោក ហេង សំរិន កើតនៅថ្ងៃទី២៥ ខែឧសភា ឆ្នាំ១៩៣៤ នៅខេត្តព្រៃវែង (ឯកសារខ្លះថាខេត្តកំពង់ចាម)។
| ការសិក្សា |
លោក ហេង សំរិន បានចូលសិក្សានៅក្នុងខេត្តព្រៃវែង។
| ការចូលខ្លួនក្នុងនយោបាយ និងតំណែងនានា |
លោក ហេង សំរិន បានចូលរួមជាមួយចលនាកុម្មុយនីស្តខ្មែរក្រហម ដែលដឹកនាំដោយ ប៉ុល ពត នាឆ្នាំ១៩៧៥ និងបានផ្ដាច់ខ្លួននាឆ្នាំ១៩៧៨ ហើយភៀសខ្លួនទៅកាន់ប្រទេសវៀតណាម។ នៅចុងឆ្នាំនេះដដែល លោកបានត្រឡប់មកប្រទេសកម្ពុជាវិញ និងដឹកនាំចលនាប្រឆាំងខ្មែរក្រហម ដែលទទួលបានការគាំទ្រពីប្រទេសវៀតណាម និងសហភាពសូវៀត។
នៅពេលរបបខ្មែរក្រហមដួលរលំនាឆ្នាំ១៩៧៩ លោក ហេង សំរិន បានក្លាយជាប្រធានក្រុមប្រឹក្សាបដិវត្តប្រជាជន នាឆ្នាំ១៩៧៩។
នៅឆ្នាំ១៩៨១ លោក បានក្លាយជាប្រធានក្រុមប្រឹក្សារដ្ឋ និងជាអគ្គលេខាធិការបក្សប្រជាជនបដិវត្ត។
នៅក្រោយការចរចាសន្តិភាពទីក្រុងប៉ារីស និងក្រោយការបោះឆ្នោតជាសាកល លោក ហេង សំរិន បានកាន់តំណែងជាអនុប្រធានរដ្ឋសភា ពីឆ្នាំ១៩៩៨ ដល់ឆ្នាំ២០០៦ និងធ្វើជាប្រធានរដ្ឋសភាពីឆ្នាំ២០០៦ រហូតមកដល់បច្ចុប្បន្ននេះ។
| គ្រឿងឥស្សរិយយស និងបណ្ដាស័ក្តិ៍ |
លោក ហេង សំរិន បានទទួលងារ និងឋានន្តរស័ក្ដិជាបន្តបន្ទាប់ដូចតទៅ៖
- ងារជា “សម្ដេច” ពីព្រះករុណា ព្រះបាទសម្ដេចព្រះ នរោត្ដម សីហនុ កាលពីឆ្នាំ១៩៩៣
- ងារជា “សម្ដេចអគ្គមហាពញាចក្រី” ពីសម្ដេចព្រះបរមនាថ នរោត្ដម សីហមុនី កាលពីខែតុលា ឆ្នាំ២០០៧
- ឋានន្តរស័ក្ដិផ្កាយ៥ ពីសម្ដេចព្រះបរមនាថ នរោត្ដម សីហមុនី នាថ្ងៃទី២២ ខែធ្នូ ឆ្នាំ២០០៩
- ៣០ មីនា ២០១១ – គោរមងារជា «កិត្តិព្រឹទ្ធបណ្ឌិត» នៃរាជបណ្ឌិត្យសភាកម្ពុជា ពីព្រះករុណា ព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្ស័ត្រិយ៍នៃព្រះរាជាណាចក្រកម្ពុជា