ខេត្តព្រៃវែង: ព្រះគ្រូចៅអធិការ

Showing posts with label ព្រះគ្រូចៅអធិការ. Show all posts

ព្រះនាមដើម ទុយ ភារម្យ

[ព្រះនាមដើម] ទុយ ភារម្យ

[ព្រះនាមពេញ] ព្រះមហា ទុយ ភារម្យ កល្យាណធម្មោ
[សាមណស័ក្តិ] ព្រះមហា
[សង្កាត់] គណៈមហានិកាយ
[ប្រសូត] ០២/០៣/ព.ស.២៥២៧
[អនិច្ចធម្ម] ព.ស.
[ឋានៈ] ចៅអធិការ (វត្តសែនសុខ)
[បន្តពី]ជាព្រះចៅអធិការទី១
[បន្តដោយ]

Ø ព្រះមហា ទុយ ភារម្យ [អានថា៖ ទុយ-ភារម្យ] ជាព្រះចៅអធិការវត្តសែនសុក ដែលស្ថិតនៅភូមិសែនសុខទី១ សង្កាត់ឃ្មួយ ខណ្ឌសែនសុខ រាជធានីភ្នំពេញ ក្នុងរជ្ជកាលបច្ចុប្បន្ន។

| ព្រះជីវប្រវត្តិ |

Ø ព្រះមហា ទុយ ភារម្យ ប្រសូត្រនៅថ្ងៃទី០២ខែមីនា ឆ្នាំ១៩៨៧ នៅភូមិ ស្នួល ឃុំស្ពឺ ក ស្រុកបាភ្នំ ខេត្តព្រៃវែង ។បិតានាមៈ ជាម ទុយ មាតានាមៈ សាន អ៊ុក មានបងប្អូនបង្កើតរូមផ្ទៃចំនួន ៩នាក់ ប្រុស ៧នាក់ ស្រី២នាក់ ហើយ លោក ជាបុត្រទី៧ក្នុងគ្រូសារ ។

ដោយមច្ចុរាជគ្មានត្រាប្រណីព្យាធិអប្រីយ៍ចិត្តប្ញស្យា មកប្រហារមាតានាម សាន អ៊ុក អោយមរណាធ្វើអោយបុត្រភ្ងាកំព្រាមាតាតាំងពីក្មេងមក។

| ការសិក្សា |

Ø នៅឆ្នាំ ១៩៩៣ កុមារា ទុយភារម្យ ត្រូវបានបិតាបញ្ជូនអោយទៅសិក្សារៀនសូត្រនៅសាលាបឋមសិក្សាវត្តកកោះជ្រុំ ភូមិស្ពឺ ឃុំស្ពឺ.ក ស្រុកបាភ្នំ ខេត្តព្រៃវែង។ កុមារា ទុយ ភារម្យ បានប្រឹងប្រែងតស៊ូរៀនសូត្ររហូតបានចប់កម្រិតបឋមសិក្សានៅក្នុងឆ្នាំ ១៩៩៩។ ក្រោយពីឆ្លងកាត់ថ្នាក់បឋមសិក្សា មានចំណេះដឹងគួរសម អាចជាយានឆ្លងទៅរកពន្លឺងនាគតបានខ្លះ និងដោយមាននិស្ស័យផ្នែកខាងព្រះសាសនាតាំងពីកំណើតផង កុមារា ទុយ ភារម្យ ក៏បានចូលធ្វើជា អន្តេវាសិក(កូនសេក្ខ) ព្រះសង្ឃវត្តកំរ៉ែងនៅក្នុងឆ្នាំ១៩៩៦ ដល់ឆ្នាំ២០០០ហើយកុមារា ទុយ ភារម្យ ក៏បានចូលសិក្សាបន្តរនៅអនុវិទ្យាល័យស្ពឺ.ក ឃុំស្ពឺ.ក ស្រុកបាភ្នំ ខេត្តព្រៃវែង នៅក្នុងឆ្នាំ១៩៩៩ ដល់២០០០ផងដែល។

| ការសាងព្រះផ្នួស |

Ø នៅឆ្នាំ ២០០០ កុមារា ទុយ ភារម្យក៏មានព្រះជន្ម ១៣ឆ្នាំ ហើយដោយមានសទ្ធាជ្រះថ្លាដ៍ក្រៃលែង និង ជឿជាក់យ៉ាងច្បាស់ចំពោះព្រះពុទ្ធសាសនា កុមារា ទុយភារម្យ ក៏បានបង្គំចិត្តលាបិតាសុំអនុញាតិ្តសាងបព្វជ្ជា ជាសាមណេរ ក្នុងពទ្ធសីមាវត្តកំរ៉ែងរតនារ៉ាម(ហៅវត្តកំរ៉ែង) ឃុំស្ពឺ.ក ស្រុកបាភ្នំ ខេត្តព្រៃវែង ដែលមានព្រះគ្រួធម្មកេសរោ ឆែមសុកាន ជាព្រះឧបជ្ឈាយ៍ ។

Ø នៅឆ្នាំ ២០០៨ សាមណេរ ទុយ ភារម្យក៏មានព្រះជន្មគ្រប់២១ឆ្នាំបរិបូរណ៍ ហើយក៏បានសុំការអនុញាតិ្តអំពីសំណាក់ព្រះគ្រួ មេត្តាធម្មធរ អរិយមុនីនុតវណ្ណៈ ដើម្បីឧបសម្បទា ជាភិក្ខុភាវៈក្នុងពទ្ធសីមាវត្តកំរ៉ែងរតនារាម (ហៅវត្តកំរ៉ែង) ឃុំស្ពឺ.ក ស្រុកបាភ្នំ ខេត្តព្រៃវែង ដែលមានព្រះគ្រួ មេត្តាធម្មធរ អរិយមុនីនុតវណ្ណៈ ជាព្រះឧបជ្ឈាយ៍ ព្រះភិក្ខុ ធម្មមុនី មួន សុផល និង ព្រះភិក្ខុ ជា សុក្រឹត ជាព្រះឧបសម្បទាចារ្យ ហើយ ត្រូវបានព្រះឧបជ្ឈាយ៍ តាំងនាមបញ្ញត្តិ ថា កល្យាណធម្មោ ។

|ការសិក្សារៀនសូត្រផ្នែកខាងព្រះពុទ្ធសាសនា|

· នៅឆ្នាំ ២០០០ដល់២០០១ សមណសិស្ស ទុយភារម្យបានចូលរៀនធម្មវិន័យ ថ្នាក់ត្រីនៅវត្តកំរ៉ែង ឃុំស្ពឺ.ក ស្រុកបាភ្នំ ហើយបានប្រឡងជាប់ទទួលវិញ្ញាបនប័ត្រធម្មវិន័យថ្នាក់ត្រី(ធម្មកោសល្យត្រី)។

· នៅឆ្នាំ ២០០១ដល់២០០២ បានចូលរៀនធម្មវិន័យនៅវត្តឧត្តមមានជ័យ ឃុំពាមរក៍ស្រុកពាមរក៍ខេត្តព្រៃវែង បានប្រឡងជាប់ទទួលវិញ្ញាបនប័ត្រធម្មវិន័យថ្នាក់ទោ (ធម្មកោសល្យទោ)។

· នៅឆ្នាំ ២០០២ដល់២០០៣ ចូលរៀនធម្មវិន័យនៅវត្តកំរ៉ែង ប្រឡងជាប់បានទទួលវិញ្ញាបនប័ត្រធម្មវិន័យថ្នាក់ឯក (ធម្មកោសល្យឯក)។

· នៅឆ្នាំ ២០០៣ បាននិមន្តមកគង់នៅវត្តសំរោងអណ្តែត រាជធានីភ្នំពេញដើម្បីសិក្សាបរិយត្តិធម៌ ។

· ចាប់ពីពេលមកគង់នៅវត្តសំរោងអណ្តែត សមណៈសិស្សទុយភារម្យ បានទទួលការឧបត្ថម្ភផ្នែក ថវិការ ពីសំណាក់ ញោម ហុក ឆៃសេង រស់នៅខេត្តតាកែវជាញោមឧបដ្ឋាក ទំនុកបម្រុងបច្ច័យសិក្សារៀនសូត្រកន្លងមក រហូត ដល់បច្ចុប្បន្ន ។

· នៅឆ្នាំ ២០០៣ដល់២០០៥ បានចូលរៀនពុទ្ធិកបឋមសិក្សាសំរោងអណ្តែត ប្រឡងជាប់បានទទួលវិញ្ញាបនប័ត្រពុទ្ធិកបឋមសិក្សា ។

· នៅឆ្នាំ ២០០៣ដល់២០០៥ នៅពេលវាកង(វិស្សមកាល)ម្តងៗ បានទៅរៀនវិបស្សនាធុរៈនិងព្រះវិន័យបិដកនៅវត្តនិគ្រោធវន្ត័គល់ទទឹង ស្រុកកៀនស្វាយខេត្តកណ្តាល។

· នៅឆ្នាំ ២០០៥ដល់២០០៧ បានចូលរៀនពុទ្ធិកវិទ្យាល័យរត្ន័សារឿនថ្នាក់បឋមភូមិប្រឡងជាប់បានទទួលសញ្ញាប័ត្រពុទ្ធិកមធ្យមសិក្សាបឋមភូមិ (ឌីប្លូម)។

· នៅឆ្នាំ ២០០៧ដល់២០១០ ចូលរៀនពុទ្ធិកវិទ្យាល័យរត្ន័សារឿនថ្នាក់ទុតិយភូមិប្រឡងជាប់បានទទួលសញ្ញាប័ត្រពុទ្ធិកមធ្យមសិក្សាទុតិយភូមិ (បាក់ឌុប)។

· នៅឆ្នាំ ២០០៧ដល់២០១៣ នៅ ពេលវាកង(វិស្សមកាល)ម្តងៗទៅរៀនជំនាញវគ្គខ្លីៗនៅតាមសាលានានា បានទទួលវិញ្ញាបនប័ត្របញ្ជាក់ការសិក្សាផ្នែក រដ្ឋបាល ,ពិធីការ , ទំនាក់ទំនងនិងបដិសណ្ឋារកិច្ច , កុំព្យូទ័រ និង ភាសាបរទេសជាដើម ...។

|សមណស័ក្តិ និងតួនាទីនានា|

· នៅឆ្នាំ ២០១០ដល់២០១៣ បានធ្វើជាធម្មាចារ្យ និង គ្រួបង្រៀនកិច្ចសន្យានៅពុទ្ធិកវិទ្យាល័យរត្ន័សារឿន ក្នុងវត្តសំរោងអណ្តែត ។

· នៅឆ្នាំ ២០១០ដល់បច្ចុប្បន្ន បន្តសិក្សានៅពុទ្ធិកសាកលវិទ្យាល័យព្រះសីហនុរាជ ឯកទេស អក្សសាស្រ្តខ្មែរ ។

· នៅថ្ងៃ០៨ មករា ២០១១ បានទទូលលិខិតបញ្ជាក់ការងារ ជាគណៈកម្មការសិស្ស នៃពុទិ្ធកវិទ្យាល័យរត្ន័សារឿន (ដែលមានស្នាដៃល្អប្រសើរ)។

· នៅថ្ងៃ០៩ មករា ២០១៣ បានទទូលលិខិតបញ្ញាក់ការងារជា គ្រួបង្រៀនឆ្នើម បំពេញការងារ បានល្អប្រសើរ លើមុខវិជ្ជា ភូមិវិទ្យា ប្រវត្តិវីទ្យា នៅពុទ្ធិកវិទ្យាល័យរត្ន័សារឿន ។

· នៅថ្ងៃ២៩ កុម្ភៈ ២០១២បានទទួលលិខិតតែងតាំងជា មន្រ្តីសង្ឃ វត្តសំរោងអណ្តែតសង្កាត់ភ្នំពេញថ្មី ខណ្ឌសែនសុខរាជធានីភ្នំពេញ ។

· នៅថ្ងៃ១៤ សីហា ២០១៣ បានទទួលការជ្រើសតាំងពី ព្រះអនុគណខណ្ឌសែនសុខអោយជាតំណាងមន្រ្តីសង្ឃសាលាអនុគណ មកគង់នៅវត្តសែនសុខ( ជាវត្តទើបបង្កើតថ្មី )ដើម្បីដឹកនាំ រៀបចំនិងមើលការខុសត្រូវ ថែក្សាការពារ ក្នុងឋានៈជា ព្រះចៅអធិការស្តីទី ។ព្រះមហា ទុយភារម្យ ជាភិក្ខុមួយរូបដែលមាននូវគុណវុឌ្ឍ ទ្រទ្រង់នូវគុណធម៌សីលធម៌ មានសុជីវធម៌និង មាននូវសាមគ្គីធម៌ជាភាតរៈភាព ដែលភិក្ខុសាមណេរ និងពុទ្ធបរិស័ទទាំងឡាយ តែងគោរពស្រលាញ់រាប់អាន។មិនតែប៉ុណ្ណោះលោកបានចូល រួមចំណែក អភិវឌ្ឍន៍វិស័យព្រះពុទ្ធសាសនា និងសង្គម ដោយសហការជាមួយមន្រ្តីសង្ឃគ្រប់ឋានានុក្រម និងអាជា្ញធរមានសមត្ថកិច្ចគ្រប់លំដាប់ថ្នាក់ដើម្បីធ្វើយ៉ាងណា អោយ ពុទ្ធបរិស័ទគ្រប់មជ្ឈដ្ឋាន មានអធ្យាស្រ័យល្អ និង សាមគ្គីធម៌រូមតែមួយព្រមទាំងបាន នឹងកំពុង ចូលរូម ចំណែកក្នុងការអប់រំ សីលធម៌ ដល់ពុទ្ធបរិស័ទតាមរយៈកម្មវីធីអប់រំ ទេសនា និងចូលរូមកសាង វត្តអារាម សាលារៀនផ្លូវថ្នល់ជាដើម ...។

| ព័ត៌មានទាក់ទង |

· ពិធីស្រោចស្រពសុគន្ធវារី ព្រះចៅអធិការ និងពិធីបុណ្យសម្ពោធឆ្លងសមិទ្ធផលនានានៅវត្តសែនសុខ

ព្រះគ្រូមហា ភី យ៉ា ធម្មបញ្ញោ

[ព្រះនាមដើម] ភី យ៉ា

[ព្រះនាមពេញ] ព្រះគ្រូមហា ភី យ៉ា ធម្មបញ្ញោ
[សាមណស័ក្តិ] ព្រះគ្រូមហា
[សង្កាត់] គណៈមហានិកាយ
[ប្រសូត] ព.ស.
[អនិច្ចធម្ម] ព.ស.
[ឋានៈ] ចៅអធិការ (វត្តសុវណ្ណរង្សី)
[ពី] 
[បន្តពី]
[បន្តដោយ]

ព្រះគ្រូមហា ភី យ៉ា [អានថា៖ ភី-យ៉ា] ព្រះអនុគណក្រុង និងជាព្រះចៅអធិការវត្តសុវណ្ណរង្សី ទីរួមខេត្តព្រៃវែង សង្កាត់កំពង់លាវ ក្រុងព្រៃវែង ខេត្តព្រៃវែង ក្នុងរជ្ជកាលបច្ចុប្បន្ន។

| ព្រះជីវប្រវត្តិ |

ត្រូវការព័ត៌មានបន្ថែម

| ការសិក្សា |

ត្រូវការព័ត៌មានបន្ថែម

| ការសាងព្រះផ្នួស |

ត្រូវការព័ត៌មានបន្ថែម

| សមណស័ក្តិ និងតួនាទីនានា |

ព្រះតេជព្រះគុណ ភី យ៉ា មានសមណស័ក្ដិជា «ព្រះគ្រូមហា»។

| ព័ត៌មានទាក់ទង |

· ពិធីស្រោចស្រពសុគន្ធវារី ព្រះចៅអធិការ និងពិធីបុណ្យសម្ពោធឆ្លងសមិទ្ធផលនានានៅវត្តសុវណ្ណរង្សី
· អត្ថបទដកស្រង់ចេញពី (គេហទំព័រនរណាខ្លះនៅកម្ពុជា)

ព្រះបទុមត្ថេរ សោម

[ព្រះនាមដើម] សោម
[ព្រះនាមពេញ] ព្រះបទុមត្ថេរ សោម
[សាមណស័ក្តិ] ព្រះបទុមត្ថេរ
[សង្កាត់]
[ប្រសូត] ព.ស.២៣៩៦/គ.ស.១៨៥៣
[អនិច្ចធម្ម] ព.ស.២៤៧៥/គ.ស.១៩៣២ (៨០ឆ្នាំ)
[ឋានៈ] កវី, ចៅអធិការ (វត្តកំព្រៅ)
[បន្តពី]
[បន្តដោយ]

ព្រះបទុមត្ថេរ សោម [អានថា៖ សោម] គឺជាអតីតព្រះចៅអធិការវត្តកំព្រៅ ស្រុកស៊ីធរកណ្ដាល ខេត្តព្រៃវៃង និងជាអតីតកវីដ៏មានឈ្មោះល្បីម្នាក់នៅក្នុងព្រះរាជអាណាចក្រកម្ពុជា។

| ព្រះជីវប្រវត្តិ |

កុមារ សោម កើតនៅព.ស.២៣៩៦/គ.ស.១៨៥៣ នៅឃុំកំព្រៅ ស្រុកស៊ីធរកណ្ដាល ខេត្តព្រៃវែង។ មាតានាម យិន និងបិតានាម ងួន ជាកសិករ។

| ការសិក្សា |

អាយុ ១៥ ឆ្នាំ កុមារ សោម បានរៀនអក្សរ-លេខនព្វន្តនៅក្នុងស្រុកកំណើត ហើយបានបួសជាសាមណេរពីរវស្សា ក៏សឹកមកជួយធ្វើការងាររកស៊ីចិញ្ចឹមមាតាបិតាវិញ។

| ការសាងព្រះផ្នួស |

អាយុ ២១ ឆ្នាំ យុវជន សោម បានឧបសម្បទាជាភិក្ខុ ក្នុងសំណាក់ឧបជ្ឈាយ៍នាម រស់ មាននាមបញ្ញត្តិថា «បទុមត្ថេរ» និងបានបន្តការសិក្សានៅក្នុងព្រះរាជធានីភ្នំពេញអស់ជាច្រើនឆ្នាំ ហើយវិលទៅធ្វើជាចៅអធិការនៅវត្តកំព្រៅវិញ។

| សមណស័ក្តិ និងតួនាទីនានា |

ព្រះតេជព្រះគុណ សោម មានសមណស័ក្ដិជា «ព្រះបទុមត្ថេរ»។

| ចរិយាសម្បត្តិ |

ព្រះបទុមត្ថេរ សោម មាននិស្ស័យស្លូតបូត ចូលចិត្តអានសាស្ត្រាគម្ពីរ ស្ដាប់ចម្រៀង ចាប៉ី រហូតចេះតែងកាព្យដ៏ប៉ិនប្រសប់។

| ស្នាដៃ |

រឿង ទុំទាវ (សរសេរពី ព.ស.២៤៥៨ គ.ស.១៩១៦)
រឿងសព្វសិទ្ធិ (មិនមែន សព្វសិទ្ធិ របស់ ម៉ឺនភក្ដីអក្សរ តន់ ទេ)

| សុគត |

ព្រះបទុមត្ថេរ សោម បានសុគតនៅគ្រាព.ស.២៤៧៥/គ.ស.១៩៣២ ក្នុងព្រះជន្ម៨០ឆ្នាំ។

| ព័ត៌មានទាក់ទង |

ព្រះបទុមត្ថេរ សោម
អត្ថបទ ដកស្រង់ចេញពីវេបសាយ(នរណាខ្លះនៅកម្ពុជា)

ព្រះធម្មមុនី ទួន សុផល

[ព្រះនាមដើម] ទួន សុផល
[ព្រះនាមពេញ] ព្រះធម្មមុនី ទួន សុផល ព្រះរាជាគណៈថ្នាក់ចត្វា
[សាមណស័ក្តិ] ព្រះធម្មមុនី
[សង្កាត់] គណៈធម្មយុត្តិកនិកាយ
[ប្រសូត] ព.ស.
[ឋានៈ] ព្រះមេគណគណៈធម្មយុត្តិកនិកាយ ខេត្តព្រៃវែង
[ពី] ព.ស.២៥៥៤ – បច្ចុប្បន្ន
[បន្តពី]
[បន្តដោយ] កំពុងតម្រង់តំណែង

ព្រះធម្មមុនី ទួន សុផល [អានថា៖ ទួន-សុ-ផល់] ឋិតវិរិយោ គឺជាព្រះមេគណគណៈធម្មយុត្តិកនិកាយ ខេត្តព្រៃវែង គង់នៅវត្តធម្មសំមិត្តារាម ភូមិទីលេង ឃុំធាយ ស្រុកបាភ្នំ ខេត្តព្រៃវែង ក្នុងរជ្ជកាលបច្ចុប្បន្ន។
| ព្រះជីវប្រវត្តិ |
ត្រូវការព័ត៌មានបន្ថែម។
| ការសិក្សា |
ត្រូវការព័ត៌មានបន្ថែម
| ការសាងព្រះផ្នួស |
ត្រូវការព័ត៌មានបន្ថែម
| សមណស័ក្តិ និងតួនាទីនានា |
ព្រះភិក្ខុ ទួន សុផល នាមបញ្ញតិឋិតវិរិយោ ងារដើមព្រះធម្មមុនី ព្រះរាជាគណៈថ្នាក់ចត្វា និងជាព្រះបាឡាត់គណខេត្តព្រៃវែង ត្រូវបានតែងតាំងឲ្យមានតួនាទីជាព្រះមេគណគណៈធម្មយុត្តិកនិកាយ ខេត្តព្រៃវែង កាលពីថ្ងៃទី២៧ ខែកុម្ភៈ ព.ស.២៥៥៤ គ.ស.២០១១។
| ព័ត៌មានទាក់ទង |

តែងតាំងព្រះមេគណគណៈធម្មយុត្តិកនិកាយជាផ្លូវការនៅព្រៃវែង

ព្រះគ្រូចៅអធិការ គង់ ឆន ( ញាណវិរិយោ )

[ព្រះនាមដើម] គង់ ឆន
[ព្រះនាមពេញ] ព្រះគ្រូចៅអធិការ ញាណវិរិយោ
[សាមណស័ក្តិ]
[សង្កាត់] គណៈមហានិកាយ
[ប្រសូត] ព.ស.២៤៨៦/គ.ស.១៩៤២
[អនិច្ចធម្ម] ព.ស. ២៥៥៤/គ.ស.២០១០ (៦៨ឆ្នាំ)
[ឋានៈ] ចៅអធិការ (វត្តស្មោង)
[ពី] ព.ស.២៥២៥ - ព.ស. ២៥៥៤ (២៩ឆ្នាំ)
[បន្តពី]
[បន្តដោយ]

ព្រះគ្រូចៅអធិការញាណវិរិយោ គង់ ឆន [អានថា៖ គង់-ឆន] គឺជាអតីតអនុគណស្រុកកម្ចាយមារ, ព្រះចៅអធិការ វត្តស្មោង ឃុំស្មោងខាងជើង ស្រុកកម្ចាយមារ ខេត្តព្រៃវែង ក្នុងរជ្ជកាលបច្ចុប្បន្ន។
| ព្រះជីវប្រវត្តិ |
កុមារ គង់ ឆន កើតនៅព.ស.២៤៨៦ គ.ស.១៩៤២ នៅភូមិស្វាយជ្រុំ ឃុំស្វាយជ្រុំ ស្រុកបាភ្នំ ខេត្តព្រៃវែង។ បិតានាម គង់ ឡុង និងមាតានាម សំ បូរ ជាត្រកូលមន្រ្តីរាជការ មានបងប្អូនបង្កើតចំនួន៨នាក់។ ប្រុស២ និងស្រី៦នាក់។ កុមារ គង់ ឆន ជាកូនទី៦។
| ការសិក្សា |
លុះធំឡើងបន្តិច កុមារ គង់ ឆន ត្រូវបានលោកឪពុក និងអ្នកម្តាយបញ្ជូន ឱ្យទៅរៀនសូត្រនៅក្នុងវត្តជាមួយនឹងព្រះគ្រូ ឱក មោក ដែលស្តិតនៅវត្តស្មោង ឃុំស្មោងខាងជើង ស្រុកកម្ចាយមារ ខេត្តព្រៃវែង។
| ការសាងព្រះផ្នួស |
នៅព.ស.២៥០៣ គ.ស.១៩៦០ យុវជន គង់ ឆន បានចូលបួសជាសាមណេរ បន្ទាប់មក បានបំពេញឧបសម្បទាជាភិក្ខុ នៅវត្តស្វាយអាត់ ឃុំស្វាយអាត់ ស្រុកជ្រៃ ខេត្តព្រៃវែង។ ពីឆ្នាំ ១៩៦០-១៩៦៣ ព្រះតេជគុណ គង់ ឆន បានចូលសិក្សាសាលាធម្មវិន័យ វត្តស្មោង ឃុំស្មោងខាងជើង ស្រុកកម្ចាយមារ ខេត្តព្រៃវែង។ នៅឆ្នាំ១៩៦៣ នោះផងដែរព្រះតេជគុណ គង់ ឆន បានលាចាកសិក្ខាបទទៅគ្រហស្ថវិញ។
| ជីវិតគ្រួសារ |
នៅឆ្នាំ១៩៦៥ លោក គង់ ឆន បានរៀបអាពាហ៏ពិពាហ៏ជាមួយនឹងអ្នកស្រី ប្រាក់ សាមាន ដោយមានកូនប្រុសស្រីចំនួន៥នាក់ គឺ៖

ឡុង ច័ន្ទទោង (ស្លាប់)
ឡុង សាមី (រស់)
ឡុង ច័ន្ទក្រអូប (ស្លាប់)
ឡុង ស្រីកា (ស្លាប់)
ឡុង ឬទ្ធី

ពីឆ្នាំ១៩៧៥-១៩៧៩ លោក គង់ ឆន ជាទាសករដាច់ថ្លៃរបស់អង្គការ ប៉ុល ពត នៅក្នុងសម័យនោះផងដែរ លោក គង់ ឆន ត្រូវបានអង្គការហៅទៅសម្លាប់ចោល តែសំណាងល្អត្រូវបានគេដោះលែងមកវិញ ដោយគេនិយាយថាហៅខុសមនុស្ស។ សូមបញ្ជាក់ថា នៅពេលដែលពួកអង្គការនាំទៅសម្លាប់នោះ លោក គង់ ឆន បានគិតនៅក្នុងចិត្តថា បើអាត្មាអញបាននៅរស់អាត្មាអញនឹងសុំលាភរិយាទៅបួស។
| ការសាងព្រះផ្នួសជាលើកទី២ |
ដោយទឹកដោះម្តាយថ្លៃ លោក គង់ ឆន បានរួចផុតពីការសម្លាប់ ហើយក៏បានទុកដាក់កូនទាំង២ ឱ្យនៅជាមួយម្តាយ ហើយក៏បានលាភរិយាសុំទៅបួសតាមការសន្យា។ នៅថ្ងៃទី២២ ខែមករា ឆ្នាំ១៩៧៩ លោក គង់ ឆន បានចូលបួសក្នុងសំណាក់ ព្រះគ្រូឧបជ្ឈាយ៏ ព្រះនាម ឈុន ជឹម គង់នៅវត្តស្វាយអាត់ ឃុំជ្រៃ ស្រុកព្រៃវែង ខេត្តព្រៃវែង។ នៅឆ្នាំ១៩៨០ ទាំងព្រះគ្រូឧបជ្ឈាយ៏ និងសិស្យ គង់ ឆន បានទៅបួសសារជាថ្មីម្តងទៀត នៅវត្តឧណ្ណាលោម នាទីក្រុងភ្នំពេញ ក្រោមសំណាក់ព្រះគ្រូឧបជ្ឈាយ៏ សមេ្តច ទេព វង្ស ដោយព្រះគ្រូឧបជ្ឈាយ៏ឲ្យនាមបញ្ញត្តិថា ញាណវិរិយោ នៅថ្ងៃទី១៦ ខែកញ្ញា ឆ្នាំ១៩៨០ វេលាម៉ោង១៧ និង១៥នាទី។ ប៉ុន្មានថ្ងៃក្រោយមក ព្រះតេជគុណ គង់ ឆន ក៏និមន្តត្រឡប់មកកាន់វត្តដើមវិញ (វត្តស្វាយអាត់)។
| សមណស័ក្តិ និងតួនាទីនានា |
នៅឆ្នាំ១៩៨២ ព្រះតេជគុណញាណវិរិយោ គង់ ឆន ត្រូវបានលោកអាចារ្យ គណៈកម្មការវត្តស្មោង ឃុំស្មោងខាងជើង ស្រុកកម្ចាយមារ ខេត្តព្រៃវែង សុំអារាធនាពីព្រះគ្រូឧបជ្ឈាយ៏ព្រះនាម ឈុន ជឹម ដើម្បីឲ្យព្រះអង្គ បានមកគង់នៅវត្តស្មោង ខេត្តព្រៃវែង។ នៅចុងឆ្នាំ១៩៨២ នោះដែរ ព្រះតេជគុណ ញាណវិរិយោ គង់ ឆន បាននិមន្តមកគង់នៅវត្តស្មោង ដោយមានតួនាទីជាព្រះចៅអធិការវត្ត។
នៅឆ្នាំ១៩៨៣ ព្រះតេជគុណ ញាណវិរិយោ គង់ ឆន ត្រូវបានព្រះមេគណខេត្តព្រៃវែង ព្រះនាម ឈុន ជឹម បានតែងតាំងជាអនុគណស្រុកកម្ចាយមារ។ នៅឆ្នាំ១៩៩២ ព្រះតេជគុណ គង់ ឆន បានលាលែងពីមុខដំណែងជាព្រះអនុគណ ស្រុកកម្ចាយមារ មូលហេតុដោយព្រះអង្គមានការមមាញឹកច្រើនក្នុងកិច្ចការកសាងវត្ត ហើយមិនបានបំពេញ តួនាទីឲ្យបានគ្រប់គ្រាន់។
ពីឆ្នាំ១៩៨២-២០១០ ព្រះតេជគុណ ញាណវិរិយោ គង់ ឆន មានតួនាទីជាព្រះចៅអធិការវត្ត ស្មោង ឃុំស្មោងខាងជើង ស្រុកកម្ចាយមារ ខេត្តព្រៃវែង។
| ស្នាព្រះហស្ថ |
អំពីស្នាព្រះហស្ថ ដែលព្រះតេជគុណ ញាណវិរិយោ គង់ ឆន បានចូលរួមកសាងក្នុងព្រះពុទ្ធសាសនា និងសង្គមជាតិ ក្នុងរយៈពេលដែលព្រះអង្គទ្រង់ព្រះផ្នួស សម្រេចបានលទ្ធផលដូចខាងក្រោម៖

ដឹកនាំកសាងព្រះវិហារ, កុដិ, ឧបដ្ឋានសាលា, សាលាបាលី, ជីកស្រះ, អណ្តូងទឹក, បន្ទប់ទឹក, បង្គន់អនាម័យ, របងវត្ត, ជាវដីពង្រីកវត្ត
ដឹកនាំកសាងសាលារៀនអនុវិទ្យាល័យកម្ចាយមារ១ខ្នង ខេត្តព្រៃវែង
ដឹកនាំកសាងសាលារៀនបឋមសិក្សាស្មោង២ខ្នង
កសាងខ្លោងទ្វារសាលាបឋមសិក្សាស្មោង, ជាវដី១ហិកតា ពង្រីកសាលាបឋមសិក្សាស្មោង -ដាំដើមឈើ។ល។

| អនិច្ចធម្ម |
ព្រះតេជគុណ ញាណវិរិយោ គង់ ឆន ចាប់ផ្តើមអាពាធនៅខែកក្កដា ឆ្នាំ២០១០ ព្រះអង្គបាននិមន្តទៅព្យាបាលនៅទីក្រុងភ្នំពេញ អស់រយៈកាលជាង១ខែ តែហាក់បីដូចជា មិនធូរស្បើយសោះ ព្រះអង្គក៏សម្រេចព្រះទ័យនិមន្តត្រឡប់ទៅវត្តវិញ។ លុះមកដល់ថ្ងៃច័ន្ទ ទី០៦រោច ខែមិគសិរ ឆ្នាំខាល ទោស័ក ព.ស.២៥៥៤ ត្រូវនឹងថ្ងៃទី២៧ ខែធ្នូ ឆ្នាំ២០១០ វេលាម៉ោងប្រមាណជា៥ល្ងាច ស្តេចយមរាជមកឆក់យកជីវិតព្រះអង្គទៅ ដោយបន្សល់ទុកនូវភាពទុក្ខ សោកក្រៀមក្រំ រន្ធត់ សម្រាប់សិស្សានុសិស្ស ក្រុមញាតិសាច់សារលោហិត សិស្សគណ និងពុទ្ធបរិស័ទ មានការនឹករឮក ស្រណោះ អាឡោះអាល័យ និងសោកស្តាយជាទីបំផុត។
| ព័ត៌មានទាក់ទង |

គង់ ឆន

หน้าเว็บ

ព្រះ​នាម​ដើម ទុយ ភារម្យ

ព្រះ​គ្រូ​មហា ភី យ៉ា ធម្មបញ្ញោ

ព្រះ​បទុមត្ថេរ សោម

ព្រះ​ធម្មមុនី ទួន សុផល

ព្រះគ្រូចៅអធិការ គង់ ឆន ( ញាណវិរិយោ )

ព្រះនាមដើម ទុយ ភារម្យ

ព្រះគ្រូមហា ភី យ៉ា ធម្មបញ្ញោ

ព្រះបទុមត្ថេរ សោម

ព្រះធម្មមុនី ទួន សុផល