ខេត្តព្រៃវែង: អ្នកឧកញ៉ា ម៉ែន សារុន

[ឈ្មោះ] ម៉ែន សារុន

[ងារ] អ្នកឧកញ៉ា
[កំណើត] ១៩ សីហា ១៩៤៦
[ទីកំណើត] កញ្ជ្រៀច ខេត្តព្រៃវែង
[ឋានៈ] ព្រឹទ្ធសមាជិក
[ពីឆ្នាំ] ២០០៦ – ២០១២
[ឋានៈ] អនុប្រធានសភាពាណិជ្ជកម្មកម្ពុជា
[ពីឆ្នាំ] – ២១ ធ្នូ ២០១១
[មរណភាព] ២១ ធ្នូ ២០១១ (៦៣ឆ្នាំ)
[ភរិយា] ហេង ហ៊ាប

លោកឧកញ៉ា ម៉ែន សារុន [អានថា៖ ម៉ែន-សា-រុន] គឺជាព្រឹទ្ធសមាជិក របស់គណបក្សប្រជាជនកម្ពុជា សម្រាប់នីតិកាលទី២ ចាប់ពីឆ្នាំ២០០៦ ដល់ឆ្នាំ២០១២ នៅមណ្ឌលភូមិភាគទី៦ ក្នុងខេត្តព្រៃវែង និងខេត្តស្វាយរៀង, អនុប្រធានសភាពាណិជ្ជកម្មកម្ពុជា និងក៏ជាប្រធានក្រុមហ៊ុនផលិតម្សៅមី និងមីកញ្ចប់ ដែលមានយីហោ មីយើង។

| ប្រវត្តិ |

លោកឧកញ៉ា ម៉ែន សារុន កើតនៅថ្ងៃទី១៩ ខែសីហា ឆ្នាំ១៩៤៦ នៅភូមិថ្មពួន ឃុំថ្មពួន ស្រុកកញ្ជ្រៀច ខេត្តព្រៃវែង។

| ការសិក្សា |

· មធ្យមសិក្សាប័ត្រភាគ១

| តំណែងនានា |

· ២០០៦-២០១១ : ព្រឹទ្ធសមាជិក

| ជំនួញ |

ក្នុងមួយជីវិតរបស់ លោកឧកញ៉ារូបនេះ លោកបានរើបម្រះខ្លួនយ៉ាងលំបាក ចេញពីស្ថានភាពយ៉ាប់យ៉ឺន ប្រយុទ្ធប្រឆាំងនឹងវាសនាក្រីក្រ ប្រែក្លាយជីវិតទៅជាមានរស្មីចិញ្ចែងចិញ្ចាច ទ្រព្យសម្បត្តិស្តុកស្តម្ភ និងជាអ្នកជំនួញក្នុងស្រុកដ៏ល្បីម្នាក់ នៅឆ្នាំ១៩៩៤ លោកបានបង្កើតក្រុមហ៊ុន ម៉ែន សារុន នៅឆ្នាំ ១៩៩៤ និងក្រុមហ៊ុនជាច្រើនមានដូចជា៖

1. រោងចក្រកែច្នៃអង្ករ៖ បានបង្កើតឡើងនៅឆ្នាំ១៩៩៤ សម្រាប់ផ្គត់ផ្គង់ជូនរាជរដ្ឋាភិបាលកម្ពុជា (ក្រសួងការពារជាតិ និងក្រសួងមហាផ្ទៃ) និងសម្រាប់ផ្គត់ផ្គង់ទីផ្សារក្នុងស្រុកផងដែរ។

2. រោងចក្រផលិតម្សៅមី៖ នៅឆ្នាំ២០០០ ក្រុមហ៊ុននេះបានដាក់ឲ្យដំណើរការនូវរោងចក្រផលិតម្សៅមី ដែលមានសមត្ថភាពផលិតម្សៅមីបាន៣០.០០០ ទៅ៥០.០០០ តោនក្នុងមួយឆ្នាំ។

3. រោងចក្រផលិតមីកញ្ចប់៖ រោងចក្រផលិតមីកញ្ចប់ ក្រោមឈ្មោះថា មីយើង, មីខ្មែរយើង និងមីប្រាជ្ញា។

ក្រៅពីនេះក្រុមហ៊ុនធ្លាប់បានតំឡើងរោងចក្រកែច្នៃឈើកៅស៊ូចាស់ៗ អស់លទ្ធភាពជៀជ័រ (ពីឆ្នាំ១៩៩៦-២០០៣) និងមានដីសម្បទានសេដ្ឋកិច្ចចំនួនពីរកន្លែង៖ មួយកន្លែងមានផ្ទៃដីចំនួន៤.៤០០ ហិកតា នៅស្រុកមេមត់ ខេត្តកំពង់ចាម និងមួយទៀតមានផ្ទៃដីចំនួន ៦,៣២៤ ហិកតា នៅស្រុកអូរយ៉ាដាវ ខេត្តរតនគីរី ដែលសមស្របក្នុងការវិនិយោគដាំដំណាំកៅស៊ូ, កាហ្វេ និងដំណាំកសិ-ឧស្សាហកម្មផ្សេងៗទៀត។

| គ្រឿងឥស្សរិយយស |

· មិនមានព័ត៌មាន

| ជីវិតគ្រួសារ |

លោកឧកញ៉ា ម៉ែន សារុន បានរៀបអាពាហ៍ពិពាហ៍ ជាមួយលោកជំទាវ ហេង ហ៊ាប និងមានកូនចំនួន៤នាក់។

| មរណភាព |

លោកឧកញ៉ា ម៉ែន សារុន បានទទួលមរណភាពកាលពីវេលាម៉ោង១២ពាក់កណ្តាលអធ្រាត្រថ្ងៃទី២០ ធ្នូ ឈានចូលថ្ងៃទី២១ ធ្នូ ២០១១ ដោយជំងឺគាំងបេះដូង ហើយថា លោកឧកញ៉ារូបនេះមានជំងឺរ៉ាំរ៉ៃបៀតបៀនរូបគាត់ជាយូរឆ្នាំមកហើយ ក្នុងអាយុ៦៣ឆ្នាំ។

សព លោកឧកញ៉ា ម៉ែន សារុន ត្រូវបានក្រុមគ្រួសារ កម្កល់ធ្វើបុណ្យ នៅក្នុងភូមិគ្រឹះដែលមានទីតាំង នៅតាម បណ្តោយផ្លូវម៉ៅសេទុង ក្នុងសង្កាត់ទនេ្លបាសាក់ ខណ្ឌចំការមន ខាងក្រោយស្ថានីយប្រេង ឥន្ធន: កាល់តិចបូកគោហើយ សពគ្រោង នឹងដង្ហែយកទៅបញ្ចុះ នៅក្នុងវត្តមុនីប្រសិទ្ធវង្ស នៅព្រែកព្នៅ នាថ្ងៃទី២៥ ខែធ្នូ ឆ្នាំ២០១១

| ព័ត៌មានទាក់ទង |

· អ្នកឧកញ៉ា ម៉ែន សារុន
· ក្រុមហ៊ុន ម៉ែន សារុន www.mensarun.com.kh
· លោកឧកញ៉ាម៉ែន សារុន ប្រធានក្រុមហ៊ុនម៉ែន សារុន ទទួលមរណភាព ដោយជំងឺគាំងបេះដូង
· លោកឧកញ៉ា ម៉ែន សារុន សមាជិកព្រឹទ្ធសភា និងជាពាណិជ្ជករ ទទួលមរណភាព
· ម៉ែន សារុន លាចាកលោកដោយសាររោគគាំងបេះដូង
· លោកឧកញ៉ា ម៉ែន សារុន សមាជិកព្រឹទ្ធសភា និង ជាប្រធាន ក្រុមហ៊ុន ម៉ែន សារុន បានទទួលមរណភាព
អត្ថបទ ដកស្រង់ចេញពីវេបសាយ(នរណាខ្លះនៅកម្ពុជា)

หน้าเว็บ

អ្នក​ឧកញ៉ា ម៉ែន សារុន

អ្នកឧកញ៉ា ម៉ែន សារុន